Lumaktaw sa pangunahing content

Nakapunta ka na ba sa sinehan para sa MMFF?

Dahil nagluwag na ang restrictions ng covid ngayon taon balik na sa normal ang mga sinehan. At siyempre hindi mawawala ang MMFF sa mga inaabangan ng mga tao. Dati ay hindi masyadong tinangkilik ang MMFF dahil sa pandemic. Pero ngayon ay mas marami na ang inaasahan na manood sa mga sinehan. Hindi na kailangan naka face shield, pwede na rin manood ang mga bata at senior citizen.

 

Bago ang pandemic, isa sa mga kinalakihan ko ang panonood ng MMFF kasama ang kamag-anak namin.. Minsan lang sa loob ng buong taon na ang mga palabas sa sinehan ay puro pelikulan Pilipino. 

 

Noong bata pa ako ay mayroon ticket sa lahat ng pelikula ang binibigay sa amin. Kaya halos lahat ng pwde naman mapanood (bilang bata pa nga ako) ay pinapanood namin. Pagkatapos ng isang pelikula ay lilipat kami sa kabila Libre naman eh. Dahil hindi rin kami mayaman ay nagbabaon kami ng pagkain. Hindi mga tsistirya ang baon namin, take note Kanin at Ulam! Kung paano naisip at nagawa ng mga tiyahin ko yun noon ay hindi mawari. Basta tanda ko mayroon kaming pinggan na Tupperware (at least may brand ang gamit haha). Pinapasa ang pinggan na may Kanin at ulam. bilang bata pa kami ay di rin naman naintindihan kung bakit hindi na lang kami bumili mula sa  Jollibee o McDonald's kasi nasa mall naman. Sawa na kami sa lutong bahay at nakakahiya na may baon kaming Kanin at ulam sa loob ng sinehan. Bihira lang kami makakain sa Jollibee at McDonald's Kaya espesyal ang mga pagkakataon na maaari namin magawa iyon. Kapag may Pera lang sila mommy at daddy, at kapag may mahalagang okasyon lang. Pero para kumain kami ng baon na Kanin at ulam sa loob ng sinehan ay malamang hindi maintindihan ng mga kabataan ngayon. Pati na rin ang mga lumaki sa mayamang pamilya. Ngayon kasi ay bawal na ang ganun. Tinitignan na rin ang mga bag Kaya hindi makakapag dala ng ganun sa loob. Maliban na lang kung sa kanila kayo bibili. 

 

Noong lumaon ay wala nang libreng ticket kaya namimili na lang kami ng gusto namin. Hindi na pwede ang movie hopping. KKB na. Pati ang pagkain ay KKB na rin. Noong una ay nakakapag pasok pa ng mga pagkain. 

 

Ang iba pa sa inaabangan kapag may MMFF ay ang parada ng mga pelikula pati na rin ang awards night. Sino kaya ang mananalo? Minsan iyon ang nagiging basehan kung ano ang panonoorin namin. Hindi parang pagkain ang mga pelikula. Kapag masarap ang pagkain, pinipilahan at dinadayo kahit na matagal na siyang tinitinda. Pero sa MMFF, hindi sa haba n pila o sa dami ng nanonood masasabing maganda ang pelikula, kung hind isa awards na natatanggap nito. Iba iba naman ang genre ng pelikula kaya depende rin sa gusto mong palabas.

 

Sana ngayon na nagluwag na ang sinehan, pilahan rin ang mga pelikulang gawa ng mga Pilipino. Magbabayad naman ang mga manonood kung alam nilang sulit ang bayad nila kaya sana maging mas maganda rin ang mga kalidad ng mga pelikula ngayon.   


Nakapunta ka na ba sa sinehan para sa MMFF?

Mga etiketa:

Mga Komento

Mag-post ng isang Komento

Mga Mabebentang Kuwento

Paano ba kami kapag may patay?

I sa sa iniiwasang pag-usapan ang tungkol sa patay. Pero paano ba kapag may patay kami? Katulad ng maraming pamilyang Pilipino, marami kaming sinusunod na pamahiin kapag mayroon kaming patay. Noong college ako ay nagsulat ako tungkol sa mga pamahiin ng mga Pilipino sa patay. Marami tayong mga pamahiin dito sa Pilipinas. Nag-iiba, nadagdagan at nababawasan ang mga ito depende sa lugar o probinsya. Pero sa mga pamahiin natin, ang mga pamahiin sa patay na ata ang pinakamarami.  Hindi man madaling isipin ang mamatayan  ng isang mahal sa buhay dahil lungkot ang una nating nararamdaman pero ito ay isang kaganapan kung saan dumarating ang mga kamaga-anak at nagkakaroon ng instant reunion. Umuuwi ang mga nasa ibang lugar na hindi madalas umuwi o nagpapadala ng pera ag dating mahirap hingan ng pera. Dumarating din ang mga outside the kulambo na pamilya sa mga lalaking may itinatago sa tunay na pamilya.  Habang nag-lalamay, inaalala ng mga tao ang namayapa. Paano ba siya noo...
Mag-post ng isang Komento
Magbasa nang higit pa

Bakit Tayo Makasarili?

Bakit nga ba tayo makasarili? Ako, ako, ako, parati na lang ako sabi nga sa pelikula. Para sa iba, hindi nila maamin na makasarili sila, kasi para sa kanila perpekto sila. Sige na, kayo na. Pero para sa atin na aminado sa ating pagiging makasarili, bakit nga ba tayo ganito? Paano ba tayo nagiging makasarili? Sabi nga mahalin muna natin ang ating mga sarili bago tayo magmahal ng iba. Hindi masamang mahalin ang sarili. Kaya lang, lahat ng sobra ay  masama. Lahat rin ng bagay na sumasagasa na sa interes ng iba ay maaari na rin makasama. Dahil hindi natin maiiwasan ang pakikipag-ugnayan sa ating kapwa. Dito nasusukat ang ating pagkatao. Dito rin nalalaman kung paano natin tinitimbang ang mga bagay sa buhay natin.  Tignan natin ang mga ebidensya ng ating pagiging makasarili sa araw-araw. Kalamidad. Bakit nga ba nagbabaha? Isa na ata sa mga bagay na nakasanayan na ng mga nakatira sa siyudad ay ang karanasan sa baha. Bakit nga may baha? Paano imbes na itago muna ang balat ...
Mag-post ng isang Komento
Magbasa nang higit pa

Na-LSS Ka Na Ba?

Na-LSS ka na ba? (LSS = Last Song Syndrome pero puwede rin naman na Last Sound Syndrome) Ito ay nangyayari tuwing mayroon tayong paulit-ulit na kanta na naririnig. Minsan tinatamaan tayo ng LSS dahil gusto natin ang kanta, minsan naman dahil ayaw natin sa kanta.  Natutunan ang tungkol sa pagkakaroon ng LSS noong ako ay nasa elementarya at high schol pa lang ako. Parati namin naririnig ang mga nagtitinda ng Selecta na tumutugtog upang manawag ng mga bibili lalo na mga bata. Dahil dito ay inuulit na ng kaibigan ko ang tugtog. Pero bago pa lang nangyari iyon ay naalala ko na sa sobrang pagkagusto ko sa isang kanta ni Ate Regine ay minsan kahit antok na antok na ako ay hindi ko mapigilan na hindi kumanta habang pinatutugtog ito sa radyo sa service. Nakakahiya man na nakikita ng mga ka-service ko na kumakanta ako habang natutulog bago ko napansin na ginagawa ko ang pagkanta at pagtulog ng sabay.  Noong nag-aral ako sa ibang bansa ay minsan pumunta kami ng mga kaibigan ko s...
Mag-post ng isang Komento
Magbasa nang higit pa