Mga Kuwento ni Ian

Dito sa Pilipinas ang Pasko ay isang mahabang pagdiriwang. Mula sa unang araw ng Setyembre ay marinig na ang mga Christmas Song. Simula na rin ng paglalabas ng mga dekorasyon. (Oo, alam ko kung nabasa mo na ang “Paano nga ba ang Paskong Pinoy?” (2013) nasabi ko na yan.)   Bakit sa balita sinasabi na mahal na ang mga pang Noche Buena kaya paano na ba raw makukumpleto ang selebrasyon ng kapaskuhan. Ang lahat ay nagmahal dahil magpa-Pasko na. Ito rin ang unang Pasko na maluwag na ang mga restriction sa COVID.   Pero ano ba talaga ang halaga ng Pasko para sa atin? Paano ba nasusukat ang pagiging buo o masaya ng Pasko para sa atin? Nalalagyan ba ng presyo ang Pasko?   Sabi nila ang Pasko raw ay para sa mga bata. Hindi lang dahil wala nang pasok ang mga mag-aaral kaya sila masaya kapag Pasko. Hindi makukumpleto kung walang bagong damit at laruan. Hindi rin pwedeng mawala ang mga regalo kahit hindi naman tayo ang may kaarawan. Para tayong lahat gustong maging bata kapag Pasko la...

Dahil nagluwag na ang restrictions ng covid ngayon taon balik na sa normal ang mga sinehan. At siyempre hindi mawawala ang MMFF sa mga inaabangan ng mga tao. Dati ay hindi masyadong tinangkilik ang MMFF dahil sa pandemic. Pero ngayon ay mas marami na ang inaasahan na manood sa mga sinehan. Hindi na kailangan naka face shield, pwede na rin manood ang mga bata at senior citizen.   Bago ang pandemic, isa sa mga kinalakihan ko ang panonood ng MMFF kasama ang kamag-anak namin.. Minsan lang sa loob ng buong taon na ang mga palabas sa sinehan ay puro pelikulan Pilipino.    Noong bata pa ako ay mayroon ticket sa lahat ng pelikula ang binibigay sa amin. Kaya halos lahat ng pwde naman mapanood (bilang bata pa nga ako) ay pinapanood namin. Pagkatapos ng isang pelikula ay lilipat kami sa kabila Libre naman eh. Dahil hindi rin kami mayaman ay nagbabaon kami ng pagkain. Hindi mga tsistirya ang baon namin, take note Kanin at Ulam! Kung paano naisip at nagawa ng mga tiyahin ko yun noon a...