Lumaktaw sa pangunahing content

Saan ka nga ba pagkatapos ng graduation?

Sa mga mag-aaral, graduation ang pinakahihintay na araw. Madalas natin naririnig ang ‘congratulations’ bilang pagbati sa mga nagtatapos ng pag-aaral. Pagkatapos ng graduation ay susunod na ang tanong kung ‘saan ka na pagkatapos ng graduation?’ Dahil sa totoo lang ang isa rin sa mga dapat na sinasabi pagkatapos ng congratulations ay ‘welcome to the real  world’ na ang kasunod. Simula pa lang ito ng panibagong yugto ng kanilang buhay. 

 

Naalala ko tuloy noong graduation ko sa college. Bago pa dumating ang araw ng graduation ko ay mayroon na akong trabaho. Kung nabasa niyo ang kwento ni Mr. Fire-lirt ay mainit indian niyo ito. Sa totoo lang, sinabi ng isan professor namin na mas maganda raw na magpahinga muna o magbakasyon pagkatapos ng graduation. Sabi niya lalo daw para sa mga lalaki kasi inaasahan na silang tuloy tuloy na magtatrabaho hanggang retirement age. Samantalang ang mga babae naman daw ay maaaring tumigil sa trabaho kung manganganak. Pero ako, hindi pa man tapos ang final exams ay nagsimula na akong maghanap ng gagawin. Natakot kasi ako na manatili sa bahay baka umiyak lang ako ng umiyak. Gusto ko na mawalan ako ng oras para maisip ang mga nangyaring hindi maganda sa amin ni Mr. Fire-lirt. Isa pa, ginaya ko lang din ang mga kaklase ko kasi nagsimula na silang magpasa ng mga resume nila. Nagkataon lang siguro na ang una kong pinasahan ng application ay nandun ang isang senior ko rin at nagustuhan naman ako ng mga nag interview sa akin. Ako pa ang nakiusap na bigyan ako ng panahon hanggang sa matapos ko ang final exams ko. Tanda ko pa na Sabado ang huling exams ko, pagdating ng Lunes ay Office girl na ako sa Makati. Habang ang mga kaklase ko ay nagcelebrate pagkatapos ng final exams, ako ay nasa opisina.

 

Sana pala hindi ko hinayaan ang pagiging heartbroken ko ang magdikta ng gagawin ko pagtapos ng graduation. Kasi kahit magandang opisina ang napasukan ko ay hindi ko masyadong nagustuhan ang trabaho ko. Samantalang pagkatapos ng graduation ay marami akong nakukuhang imbitasyon para pumasok sa kanila. Mas marami pa pala ng naghihintay na oportunidad para mapagpilian ko maliban sa unang offer sa akin. Magsisi man ako ay huli na. Inabot rin ako ng mahigit apat na taon doon. Marami rin akong mga nakilala at na iluha. Hindi rin nakatulong na makalimutan ko ang pagiging heartbroken ko. Kasi bitter pa rin ako sa nangyari sa amin ng bwisit na lalaking yun noong nag resign ako. Pero siguro yun talaga ang dapat na mangyari. Doon siguro ako dapat mapunta upang matutunan ko ang dapat kong matutunan sa buhay. 

 

Para sa mga bagong tapos at magtatapos, huwag kayong mag madali sa buhay. Pagisipan munang mabuti ang mga bagay bago gumawa ng malaking desisyon tulad ng ´saan ka na nga ba pagkatapos ng graduation?´

Mga etiketa:

Mga Komento

Mag-post ng isang Komento

Mga Mabebentang Kuwento

Paano ba kami kapag may patay?

I sa sa iniiwasang pag-usapan ang tungkol sa patay. Pero paano ba kapag may patay kami? Katulad ng maraming pamilyang Pilipino, marami kaming sinusunod na pamahiin kapag mayroon kaming patay. Noong college ako ay nagsulat ako tungkol sa mga pamahiin ng mga Pilipino sa patay. Marami tayong mga pamahiin dito sa Pilipinas. Nag-iiba, nadagdagan at nababawasan ang mga ito depende sa lugar o probinsya. Pero sa mga pamahiin natin, ang mga pamahiin sa patay na ata ang pinakamarami.  Hindi man madaling isipin ang mamatayan  ng isang mahal sa buhay dahil lungkot ang una nating nararamdaman pero ito ay isang kaganapan kung saan dumarating ang mga kamaga-anak at nagkakaroon ng instant reunion. Umuuwi ang mga nasa ibang lugar na hindi madalas umuwi o nagpapadala ng pera ag dating mahirap hingan ng pera. Dumarating din ang mga outside the kulambo na pamilya sa mga lalaking may itinatago sa tunay na pamilya.  Habang nag-lalamay, inaalala ng mga tao ang namayapa. Paano ba siya noo...
Mag-post ng isang Komento
Magbasa nang higit pa

Bakit Tayo Makasarili?

Bakit nga ba tayo makasarili? Ako, ako, ako, parati na lang ako sabi nga sa pelikula. Para sa iba, hindi nila maamin na makasarili sila, kasi para sa kanila perpekto sila. Sige na, kayo na. Pero para sa atin na aminado sa ating pagiging makasarili, bakit nga ba tayo ganito? Paano ba tayo nagiging makasarili? Sabi nga mahalin muna natin ang ating mga sarili bago tayo magmahal ng iba. Hindi masamang mahalin ang sarili. Kaya lang, lahat ng sobra ay  masama. Lahat rin ng bagay na sumasagasa na sa interes ng iba ay maaari na rin makasama. Dahil hindi natin maiiwasan ang pakikipag-ugnayan sa ating kapwa. Dito nasusukat ang ating pagkatao. Dito rin nalalaman kung paano natin tinitimbang ang mga bagay sa buhay natin.  Tignan natin ang mga ebidensya ng ating pagiging makasarili sa araw-araw. Kalamidad. Bakit nga ba nagbabaha? Isa na ata sa mga bagay na nakasanayan na ng mga nakatira sa siyudad ay ang karanasan sa baha. Bakit nga may baha? Paano imbes na itago muna ang balat ...
Mag-post ng isang Komento
Magbasa nang higit pa

Na-LSS Ka Na Ba?

Na-LSS ka na ba? (LSS = Last Song Syndrome pero puwede rin naman na Last Sound Syndrome) Ito ay nangyayari tuwing mayroon tayong paulit-ulit na kanta na naririnig. Minsan tinatamaan tayo ng LSS dahil gusto natin ang kanta, minsan naman dahil ayaw natin sa kanta.  Natutunan ang tungkol sa pagkakaroon ng LSS noong ako ay nasa elementarya at high schol pa lang ako. Parati namin naririnig ang mga nagtitinda ng Selecta na tumutugtog upang manawag ng mga bibili lalo na mga bata. Dahil dito ay inuulit na ng kaibigan ko ang tugtog. Pero bago pa lang nangyari iyon ay naalala ko na sa sobrang pagkagusto ko sa isang kanta ni Ate Regine ay minsan kahit antok na antok na ako ay hindi ko mapigilan na hindi kumanta habang pinatutugtog ito sa radyo sa service. Nakakahiya man na nakikita ng mga ka-service ko na kumakanta ako habang natutulog bago ko napansin na ginagawa ko ang pagkanta at pagtulog ng sabay.  Noong nag-aral ako sa ibang bansa ay minsan pumunta kami ng mga kaibigan ko s...
Mag-post ng isang Komento
Magbasa nang higit pa