Lumaktaw sa pangunahing content

Bakit kailangan suportahan ang Summer MMFF?

Parati natin sinasabi ng mga Pilipino na sana mas maganda ang kalidad ng mga pelikulang Pilipino. Sa dami ng napapanood natin na gawa sa ibang bansa lalo pa ngayon na mayroon nang Netflix, Amazon Price, at iba pang streaming sites ay mas marami nang mapagpipilian ang manonood. Habang ang laki na rin ng tinaas ng presyo ng sine. Kaya naman mas marami ang pinipiling manood na lang sa sa mga streaming site kaysa sa sinehan maliban na kang kung mga Hollywood film ang palabas. Kahit gaano kamahal ay pinipilahan ng mga Pilipino. 

Ngunit paano naman makakagawa ng magagandang pelikula ang mga gumagawa ng mga pelikula ng Pilipino kung hindi natin sinusuportahan ang ang ginagawa nila? Isa kasi ng malaking investment ito. 

Nitong 2023, unang ginanap ang pinaka unang Summer Metro Manila Film Festival sa bansa. Sa totoo lang ay dalawa lang ang napanood ko habang sinusulat ko ito kasi wala naman akong libreng ticket. P330 pa naman ang isang ticket at wala rin akong masyadong oras para mapanood lahat. Sinuportahan ko dahil gusto ko na maging mas maganda pa ang mga gawa nilang pelikula. Nakakatuwa na ang mga pelikula ngayon Summer MMFF ay mukhang magaganda ang kalidad kumpara sa mga karaniwan na pinapalabas kapag MMFF tuwing Disyembre. Halos magkakalapit ang genre: comedy, drama, at romance. Mayroon na rin mga subtitle na English kaya kung mayroon manonood na mga banyaga ay maiintindihan ang pelikula. 

Natuwa naman ako sa dalawang napanood ko. Hindi sila perpekto, pero maganda ang kalidad ng mga gawa. Mas mapapaganda pa ang mga ito pero masaya ako sa mga nagawa nila. Natuwa ako lalo na sa Here Comes the Groom. Napanood ko kasi ang Here Comes the Bride dati kasama ng mga katrabaho ko. Pumunta kami sa isang mall sa Makati na malapit sa opisina namin pagkatapos ng trabaho namin. Naaalala ko na noong nanood kami ay wala na halos maupuan kaya nakatayo na kami pero hindi namin napansin na nakatayo pala kami kasi tawa kami ng tawa. Nitong sa sequel naman ay nakakatawa rin. Sa totoo lang hindi ko inasahan na magiging maganda siya kasi kadalasan ang mga sequel ay hindi gaano maganda. Parang pinipilit maabot ang kasikatan na natanggap ng unang pelikula. Pero maganda ang pagkasulat nito pati ang pagkagawa nila. Maayos rin ang transition ng kwento mula simula hanggang matapos. Hindi katulad nung unang pelikula na medyo naging corny at dragging yun paulit-ulit silang nagbabanggaan ng mga sasakyan. Itong sa sequel, dalawang sasakyan lang at isang beses lang nagbanggaan para makabalik sa dati ang mga kaluluwa nila. Dati kasi sa maling katawan pa napunta ang mga kalululuwa kaya inulit-ulit ang banggaan. Nakakatawa rin talaga ang mga eksena at hindi pilit. Magagaling ang mga gumanap kaya maayos na nadala ang kwento. Mukhang maganda rin ang iba pang entry sa Festival. 

Sana manood rin kayo para ganahan ang mga gumagawa ng pelikula na gumawa pa ng mas magandang pelikula. At ganahan rin ng mga investor na mag produce pa ng maraming pelikula hanggang sa maging mas maganda na ang kalidad ng mga pelikulang Pilipino. Malaki ang maitutulong ng suporta nating lahat sa mga pelikulang Pilipino sa buong industriya ng pelikula at creative industriya. Makakatulong rin ito sa mga nagtatrabaho sa creative industriya lalo na sa pelikula na marami sa kanila ay nawalan ng trabaho noong lockdown dahil sa COVID 19 pandemic. 

Marami naman tayong magagaling na gumagawa ng pelikula noon, kaya hindi rin malayong dumami sila muli (o ang mga gawa ng mga katulad nila ngayon). Bago kayo magbayad ng mas mahal upang manood ng mga pelikulang banyaga ay manood muna kayo ng mga pelikulang Pilipino. Sana hindi lang tuwing may nanalo sa international competitions (Miss Universe, laban ni Pacquiao at iba pa.) o sumisikat sa ibang na Pilipino (theater, OFW, atbp.) natin sinasabi “proud to be Pinoy”. Sana hindi lang sa eleksyon naaalala ang pagiging Pinoy o ang Pilipinas. Sana dito pa lang sa ganitong pagkakataon ay sinusuportahan na natin kapwa natin Pilipino para rin sa atin lahat ito. 

Manood na kayo. Kasi bakit ba hindi dapat panoorin ang mga pelikula ngayon Summer MMFF? 

Mga etiketa:

Mga Komento

Mag-post ng isang Komento

Mga Mabebentang Kuwento

Paano ba kami kapag may patay?

I sa sa iniiwasang pag-usapan ang tungkol sa patay. Pero paano ba kapag may patay kami? Katulad ng maraming pamilyang Pilipino, marami kaming sinusunod na pamahiin kapag mayroon kaming patay. Noong college ako ay nagsulat ako tungkol sa mga pamahiin ng mga Pilipino sa patay. Marami tayong mga pamahiin dito sa Pilipinas. Nag-iiba, nadagdagan at nababawasan ang mga ito depende sa lugar o probinsya. Pero sa mga pamahiin natin, ang mga pamahiin sa patay na ata ang pinakamarami.  Hindi man madaling isipin ang mamatayan  ng isang mahal sa buhay dahil lungkot ang una nating nararamdaman pero ito ay isang kaganapan kung saan dumarating ang mga kamaga-anak at nagkakaroon ng instant reunion. Umuuwi ang mga nasa ibang lugar na hindi madalas umuwi o nagpapadala ng pera ag dating mahirap hingan ng pera. Dumarating din ang mga outside the kulambo na pamilya sa mga lalaking may itinatago sa tunay na pamilya.  Habang nag-lalamay, inaalala ng mga tao ang namayapa. Paano ba siya noo...
Mag-post ng isang Komento
Magbasa nang higit pa

Bakit Tayo Makasarili?

Bakit nga ba tayo makasarili? Ako, ako, ako, parati na lang ako sabi nga sa pelikula. Para sa iba, hindi nila maamin na makasarili sila, kasi para sa kanila perpekto sila. Sige na, kayo na. Pero para sa atin na aminado sa ating pagiging makasarili, bakit nga ba tayo ganito? Paano ba tayo nagiging makasarili? Sabi nga mahalin muna natin ang ating mga sarili bago tayo magmahal ng iba. Hindi masamang mahalin ang sarili. Kaya lang, lahat ng sobra ay  masama. Lahat rin ng bagay na sumasagasa na sa interes ng iba ay maaari na rin makasama. Dahil hindi natin maiiwasan ang pakikipag-ugnayan sa ating kapwa. Dito nasusukat ang ating pagkatao. Dito rin nalalaman kung paano natin tinitimbang ang mga bagay sa buhay natin.  Tignan natin ang mga ebidensya ng ating pagiging makasarili sa araw-araw. Kalamidad. Bakit nga ba nagbabaha? Isa na ata sa mga bagay na nakasanayan na ng mga nakatira sa siyudad ay ang karanasan sa baha. Bakit nga may baha? Paano imbes na itago muna ang balat ...
Mag-post ng isang Komento
Magbasa nang higit pa

Na-LSS Ka Na Ba?

Na-LSS ka na ba? (LSS = Last Song Syndrome pero puwede rin naman na Last Sound Syndrome) Ito ay nangyayari tuwing mayroon tayong paulit-ulit na kanta na naririnig. Minsan tinatamaan tayo ng LSS dahil gusto natin ang kanta, minsan naman dahil ayaw natin sa kanta.  Natutunan ang tungkol sa pagkakaroon ng LSS noong ako ay nasa elementarya at high schol pa lang ako. Parati namin naririnig ang mga nagtitinda ng Selecta na tumutugtog upang manawag ng mga bibili lalo na mga bata. Dahil dito ay inuulit na ng kaibigan ko ang tugtog. Pero bago pa lang nangyari iyon ay naalala ko na sa sobrang pagkagusto ko sa isang kanta ni Ate Regine ay minsan kahit antok na antok na ako ay hindi ko mapigilan na hindi kumanta habang pinatutugtog ito sa radyo sa service. Nakakahiya man na nakikita ng mga ka-service ko na kumakanta ako habang natutulog bago ko napansin na ginagawa ko ang pagkanta at pagtulog ng sabay.  Noong nag-aral ako sa ibang bansa ay minsan pumunta kami ng mga kaibigan ko s...
Mag-post ng isang Komento
Magbasa nang higit pa