Lumaktaw sa pangunahing content

Narinig niyo na ba si Jose Mari Chan ngayon Setyembre?

Setyembre na naman. Simula na naman ng pinaka-mahabang selebrasyon ng Pasko sa Pilipinas. Unang araw pa lang ng buwan ay bidang bida na naman si Jose Mari Chan. Ang daming memes ang makikita tungkol sa kanya. 

 

Nakakatuwa na lumaki tayo na naririnig ang mga kanta niya lalo na ang Christmas Album niya. Noong bata pa ako ay paulit-ulit na pinapatugtog ng nanay ko sa bahay ang album niya. Kung makakapag-reklamo lang siya na pagod na siyang kumanta ay baka nagawa niya. Nakabisado ko na ang mga kanta doon sa album niya. (Kabisado lang, wala akong sinabing nakakanta ko ng maayos ang mga ito). Kasama na sa alaala ng kabataan ko ang mga kanta niya kapag Pasko. 

 

Kung iisipin ilang taon na tayong nasa ilalim ng pandemic, pero ang mga Pilipino parang wala nang COVID sa araw-araw. Nakasanayan na ang may mask. Maaari nang mag diwang ng kapaskuhan kahit hindi kristiyano. Maaari na rin lumabas ang mga senior citizen ngayon. Naaalala ko yun meme noong isang taon na bawal raw lumabas si Jose Mari Chan dahil senior citizen siya. Para kasi siya yun cool lolo mo. 

 

Naalala ko noong third year high school ako. Para makakuha ng additional point sa Geometry class ay sinuportahan ko ang legacy concert ng mga fourth year. Bumili ako ng dalawang ticket ng concert ni Jose Mari Chan sa school. Malapit na ang Pasko noon pero hindi ko naalala na paborito rin pala siya ng pamilya ko. Ang laki ng hinayang nila na hindi sila nakasama dahil halos buong concert ay siya ang nagtanghal. Wala siya halos kasama kung hindi ang ilang estudyante. Malay ko ba! Gusto ko lang naman ng grade! Hindi ko akalain na siya pala ang kakanta ng buong gabi. 

 

Sa dami ng mga kantang pamasko, hindi pa rin kumukupas ang mga kanta ni Jose Mari Chan. (sorry Mariah, dito sa Pilipinas ay may kalaban ang All I Want for Christmas mo). Lalo na at walang pinipiling edad ang mga kanta niya. Hindi rin kailangan na nangungulila sa minamahal. 

 

Sana ay higit sa mga memes ay ma-appreciate siya na isang icon ng selebrasyon dito sa Pilipinas. Hindi magiging komplete ang panahon ng kapaskuhan ng hindi maririnig ang mga kanta niya dito sa Pilipinas. Wala na ang nanay at tatay ko na makakasama ko kapag Pasko, pero sa tuwing maririnig ko ang mga kanta ni Jose Mari Chan ay babalik ako sa panahon na kasama ko sila noong bata pa ako. Nakikinig sa kanya habang naghihintay sa mga nagka carolling na mga bata para ako ang mag-aabot ng pera sa kanila. 

 

Ikaw, narinig mo na ba si Jose Mari Chan ngayon Setyembre?

Mga etiketa:

Mga Komento

Mag-post ng isang Komento

Mga Mabebentang Kuwento

Paano ba kami kapag may patay?

I sa sa iniiwasang pag-usapan ang tungkol sa patay. Pero paano ba kapag may patay kami? Katulad ng maraming pamilyang Pilipino, marami kaming sinusunod na pamahiin kapag mayroon kaming patay. Noong college ako ay nagsulat ako tungkol sa mga pamahiin ng mga Pilipino sa patay. Marami tayong mga pamahiin dito sa Pilipinas. Nag-iiba, nadagdagan at nababawasan ang mga ito depende sa lugar o probinsya. Pero sa mga pamahiin natin, ang mga pamahiin sa patay na ata ang pinakamarami.  Hindi man madaling isipin ang mamatayan  ng isang mahal sa buhay dahil lungkot ang una nating nararamdaman pero ito ay isang kaganapan kung saan dumarating ang mga kamaga-anak at nagkakaroon ng instant reunion. Umuuwi ang mga nasa ibang lugar na hindi madalas umuwi o nagpapadala ng pera ag dating mahirap hingan ng pera. Dumarating din ang mga outside the kulambo na pamilya sa mga lalaking may itinatago sa tunay na pamilya.  Habang nag-lalamay, inaalala ng mga tao ang namayapa. Paano ba siya noo...
Mag-post ng isang Komento
Magbasa nang higit pa

Bakit Tayo Makasarili?

Bakit nga ba tayo makasarili? Ako, ako, ako, parati na lang ako sabi nga sa pelikula. Para sa iba, hindi nila maamin na makasarili sila, kasi para sa kanila perpekto sila. Sige na, kayo na. Pero para sa atin na aminado sa ating pagiging makasarili, bakit nga ba tayo ganito? Paano ba tayo nagiging makasarili? Sabi nga mahalin muna natin ang ating mga sarili bago tayo magmahal ng iba. Hindi masamang mahalin ang sarili. Kaya lang, lahat ng sobra ay  masama. Lahat rin ng bagay na sumasagasa na sa interes ng iba ay maaari na rin makasama. Dahil hindi natin maiiwasan ang pakikipag-ugnayan sa ating kapwa. Dito nasusukat ang ating pagkatao. Dito rin nalalaman kung paano natin tinitimbang ang mga bagay sa buhay natin.  Tignan natin ang mga ebidensya ng ating pagiging makasarili sa araw-araw. Kalamidad. Bakit nga ba nagbabaha? Isa na ata sa mga bagay na nakasanayan na ng mga nakatira sa siyudad ay ang karanasan sa baha. Bakit nga may baha? Paano imbes na itago muna ang balat ...
Mag-post ng isang Komento
Magbasa nang higit pa

Na-LSS Ka Na Ba?

Na-LSS ka na ba? (LSS = Last Song Syndrome pero puwede rin naman na Last Sound Syndrome) Ito ay nangyayari tuwing mayroon tayong paulit-ulit na kanta na naririnig. Minsan tinatamaan tayo ng LSS dahil gusto natin ang kanta, minsan naman dahil ayaw natin sa kanta.  Natutunan ang tungkol sa pagkakaroon ng LSS noong ako ay nasa elementarya at high schol pa lang ako. Parati namin naririnig ang mga nagtitinda ng Selecta na tumutugtog upang manawag ng mga bibili lalo na mga bata. Dahil dito ay inuulit na ng kaibigan ko ang tugtog. Pero bago pa lang nangyari iyon ay naalala ko na sa sobrang pagkagusto ko sa isang kanta ni Ate Regine ay minsan kahit antok na antok na ako ay hindi ko mapigilan na hindi kumanta habang pinatutugtog ito sa radyo sa service. Nakakahiya man na nakikita ng mga ka-service ko na kumakanta ako habang natutulog bago ko napansin na ginagawa ko ang pagkanta at pagtulog ng sabay.  Noong nag-aral ako sa ibang bansa ay minsan pumunta kami ng mga kaibigan ko s...
Mag-post ng isang Komento
Magbasa nang higit pa