Lumaktaw sa pangunahing content

May naisulat ka na ba kapag mayroon kang nagugustuhan?

May naisulat ka na ba kapag mayroon kang nagugustuhan?

Dahil buwan raw ng pag-ibig ngayon makiki-Feb-ibig muna ako. Sabi nila kahit hindi mo sabihin mapapansin ng mga tao kung mayroon kang inspirasyon. Noong nasa kolehiyo ako dumating ako sa pagkakataon na mayroon akong nagustuhan. Kahit na hindi ko pa sabihin ay natawa ako noong nilagyan ng propesor ko sa Malikhaing Pagsusulat (Creative Writing in Filipino) ang isang nilagay ko sa portfolio ko….


"Sa Piling Mo" (2006)

Sa piling mo, o kwarto, ako'y nabubuhay
Sa iyong piling lahat ng aking emosyon ay nailalabas
Kung kaya't ika'y aking binabalik-balikan
Kahit nasaan man ako mapunta'y ikaw lang ang hahanap-hanapin

Sa piling mo, o kama, ako'y nahihimlay
Ang iyong kanlunga'y parang duyan ni nanay
Sa gabi'y ikaw sa aki'y naghehele
Sa aki'y mawala ka'y hindi ako makakatulog ng mahimbing

Sa piling mo, o unan, ako'y napapayapa
Para akong nasa kandungan ni nanay
Ikaw rin ang aking iyakan sa tuwing ako'y nalulumbay
Kapag ika'y nawala ay hindi ako dadalawin ng antok

Sa piling mo, o kumot, ako'y napapanatag
Sa iyong yakap katawan ko'y protektado
Sa iyong mga bisig ay aking nadarama ang alaga ni Ina
Nakakatakot ang gabi kung sa iyo'y mawalay ang katawan kong giginawin

Sa piling mo, o salamin, ako'y lumilitaw
Ako'y tinatanggap ano man aking anyo
Ng iyong mga matang hindi mapanghusga
Sa aki'y walang ibang susulyap tulad ng iyong pagmalas sa tunay na ako. 

***



Para sa akin, habang sinusulat ko ito noon ay hindi ko naman alam na mapapansin pala ito dahil dito sa sinulat kong ito. Sa ngayon, dahil wala na akong nararamdaman para sa taong iniisip ko noong panahon na iyon ay wala na rin halaga ang bawat salita. 

Ikaw, may naisulat ka na ba kapag mayroon kang nagugustuhan?
Mga etiketa:

Mga Komento

Mag-post ng isang Komento

Mga Mabebentang Kuwento

Paano ba kami kapag may patay?

I sa sa iniiwasang pag-usapan ang tungkol sa patay. Pero paano ba kapag may patay kami? Katulad ng maraming pamilyang Pilipino, marami kaming sinusunod na pamahiin kapag mayroon kaming patay. Noong college ako ay nagsulat ako tungkol sa mga pamahiin ng mga Pilipino sa patay. Marami tayong mga pamahiin dito sa Pilipinas. Nag-iiba, nadagdagan at nababawasan ang mga ito depende sa lugar o probinsya. Pero sa mga pamahiin natin, ang mga pamahiin sa patay na ata ang pinakamarami.  Hindi man madaling isipin ang mamatayan  ng isang mahal sa buhay dahil lungkot ang una nating nararamdaman pero ito ay isang kaganapan kung saan dumarating ang mga kamaga-anak at nagkakaroon ng instant reunion. Umuuwi ang mga nasa ibang lugar na hindi madalas umuwi o nagpapadala ng pera ag dating mahirap hingan ng pera. Dumarating din ang mga outside the kulambo na pamilya sa mga lalaking may itinatago sa tunay na pamilya.  Habang nag-lalamay, inaalala ng mga tao ang namayapa. Paano ba siya noo...
Mag-post ng isang Komento
Magbasa nang higit pa

Bakit Tayo Makasarili?

Bakit nga ba tayo makasarili? Ako, ako, ako, parati na lang ako sabi nga sa pelikula. Para sa iba, hindi nila maamin na makasarili sila, kasi para sa kanila perpekto sila. Sige na, kayo na. Pero para sa atin na aminado sa ating pagiging makasarili, bakit nga ba tayo ganito? Paano ba tayo nagiging makasarili? Sabi nga mahalin muna natin ang ating mga sarili bago tayo magmahal ng iba. Hindi masamang mahalin ang sarili. Kaya lang, lahat ng sobra ay  masama. Lahat rin ng bagay na sumasagasa na sa interes ng iba ay maaari na rin makasama. Dahil hindi natin maiiwasan ang pakikipag-ugnayan sa ating kapwa. Dito nasusukat ang ating pagkatao. Dito rin nalalaman kung paano natin tinitimbang ang mga bagay sa buhay natin.  Tignan natin ang mga ebidensya ng ating pagiging makasarili sa araw-araw. Kalamidad. Bakit nga ba nagbabaha? Isa na ata sa mga bagay na nakasanayan na ng mga nakatira sa siyudad ay ang karanasan sa baha. Bakit nga may baha? Paano imbes na itago muna ang balat ...
Mag-post ng isang Komento
Magbasa nang higit pa

Na-LSS Ka Na Ba?

Na-LSS ka na ba? (LSS = Last Song Syndrome pero puwede rin naman na Last Sound Syndrome) Ito ay nangyayari tuwing mayroon tayong paulit-ulit na kanta na naririnig. Minsan tinatamaan tayo ng LSS dahil gusto natin ang kanta, minsan naman dahil ayaw natin sa kanta.  Natutunan ang tungkol sa pagkakaroon ng LSS noong ako ay nasa elementarya at high schol pa lang ako. Parati namin naririnig ang mga nagtitinda ng Selecta na tumutugtog upang manawag ng mga bibili lalo na mga bata. Dahil dito ay inuulit na ng kaibigan ko ang tugtog. Pero bago pa lang nangyari iyon ay naalala ko na sa sobrang pagkagusto ko sa isang kanta ni Ate Regine ay minsan kahit antok na antok na ako ay hindi ko mapigilan na hindi kumanta habang pinatutugtog ito sa radyo sa service. Nakakahiya man na nakikita ng mga ka-service ko na kumakanta ako habang natutulog bago ko napansin na ginagawa ko ang pagkanta at pagtulog ng sabay.  Noong nag-aral ako sa ibang bansa ay minsan pumunta kami ng mga kaibigan ko s...
Mag-post ng isang Komento
Magbasa nang higit pa