Lumaktaw sa pangunahing content

Nagpaka-tanga Ka Na Ba?

Nagpaka-tanga ka na ba? Sino ba sa atin ang gustong matawag na 'tanga'? Kahit sino ata ay hindi gustong matawag na ganito kahit na nagsusumigaw pa ang katotohanan na sa pagkakataong iyon ay 'tanga' siya. Inisiip kasi natin hindi ito magandang pakinggan. Lahat tayo gusto natin maganda ang dating natin. Mahalaga para sa atin ang ating 'image' aminin man natin o hindi. 

Hindi ka talaga 'tanga', nagkaroon lang ng pagkakataong hindi tama ayan sa standard ng lipunan o mundo ang napili mo. Hindi ka naman 24/7 na 'tanga' eh, kaya hindi ka talaga 'tanga'. Sabi nga sa "He's Just Not That Into You", tayong mga babae, mula nang bata tayo ay pinaniwala tayong ang mga lalaki kapag inaasar tayo ay ibig sabihin ay may gusto sila sa atin. Minsan totoo, ngunit mas madalas ay kaya lang tayo inaasar ay ka-asar-asar tayo para sa kanila. In short, trip lang walang special/hidden meaning. Mahilig kasi tayong gumawa ng kuwento kaya ayan nagiging tanga tayo sa larangan ng pag-ibig at pakikipag-relasyon. 

Tanga ka kung kahit nagsusumigaw na ang katotohanan na hindi ka gusto ng taong gusto mo ay pinipilit mo pa rin ang sarili mo na gusto ka niya at gumagawa ka ng 'excuse' 'alibi' o 'dahilan' para sa kanya. Ito ang ilan sa mga iyon:

1. "Torpe kasi eh" o "Mahiyain siya eh" - Hindi siya nagmemessage sa iyo kasi nahihiya siya sa iyo. Sabi nga "if there's a will, there's a way". Huwag ka mag-ilusyon na, you're too good for him kaya nahihiya siyang lumapit sa iyo. Kung gusto ka talaga ng taong iyon ay maglalakas ng loob iyon. 
2. "Busy lang siya" - Hindi siya nagmemessage sa iyo kasi marami siyang ginagawa. Busy? Yeah, right. Katulad kanina uulitin ko lang sa Tagalog, "'pag gusto may paraan, 'pag ayaw laging may dahilan." Iyan ang tandaan mo. 
3. "Hindi pa siya sure" - Hindi siya nag 'da moves' para makausap ka at ligawan ka kasi hindi siya sigurado sa nararamdaman niya sa NGAYON. Ika nga nila, wala naman talagang kasiguraduhan sa mundong ito. Minsan akala mo lalaki, bakla pala. Akala mo mahinhin, biglang buntis! Ganoon din sa nararamdaman. Huwag mong sabihin hindi pa lang siya 'sure' sa nararamdaman niya sa iyo kaya wala siyang ginagawa. 
4. "Walang load" o "Low-batt" - Hindi siya nagrereply sa iyo dahil wala siyang load o low batt? Naku, lumang dahilan na iyan. Remember: items 1 and 2. 
5. "Lalaki lang siya" o "Mabait (nice) lang siya talaga" - Nakikita mong may ka-flirt siya sa FB. Bongga kung maka-like sa bawat post ng ibang babae, todo pa maka-comment, samantalang sa post mo bihira siya mag like, deadma kadalasan sa post mo. Huwag mong sabihing lalaki lang siya o ano kaya ay mabait lang siya kaya siya ganun sa ibang babae. FLIRT siya yun lang yun at hindi siya interesado sa iyo. 

Kung pagkatapos ng mga ito ay patuloy mo pa rin tinitignan ang account niya, tinitignan mo pa rin ang activity niya sa posts ng babaeng kalandian niya sa FB, chine-check mo pa rin ang messenger kung 'Active' siya o hindi, tanggapin mo na lang na tanga ka lang sa pag-ibig. Martir ka kung gusto mo pa rin siya kahit ang sakit sakit na. Ano bang mayroon siya na hindi mo kayang mag-let go sa pagka-gusto mo sa kanya? O sadyang nagpapaka-'tanga' ka lang talaga?

Ikaw, nagpaka-tanga ka na ba?
Mga etiketa:

Mga Komento

Mag-post ng isang Komento

Mga Mabebentang Kuwento

Paano ba kami kapag may patay?

I sa sa iniiwasang pag-usapan ang tungkol sa patay. Pero paano ba kapag may patay kami? Katulad ng maraming pamilyang Pilipino, marami kaming sinusunod na pamahiin kapag mayroon kaming patay. Noong college ako ay nagsulat ako tungkol sa mga pamahiin ng mga Pilipino sa patay. Marami tayong mga pamahiin dito sa Pilipinas. Nag-iiba, nadagdagan at nababawasan ang mga ito depende sa lugar o probinsya. Pero sa mga pamahiin natin, ang mga pamahiin sa patay na ata ang pinakamarami.  Hindi man madaling isipin ang mamatayan  ng isang mahal sa buhay dahil lungkot ang una nating nararamdaman pero ito ay isang kaganapan kung saan dumarating ang mga kamaga-anak at nagkakaroon ng instant reunion. Umuuwi ang mga nasa ibang lugar na hindi madalas umuwi o nagpapadala ng pera ag dating mahirap hingan ng pera. Dumarating din ang mga outside the kulambo na pamilya sa mga lalaking may itinatago sa tunay na pamilya.  Habang nag-lalamay, inaalala ng mga tao ang namayapa. Paano ba siya noo...
Mag-post ng isang Komento
Magbasa nang higit pa

Bakit Tayo Makasarili?

Bakit nga ba tayo makasarili? Ako, ako, ako, parati na lang ako sabi nga sa pelikula. Para sa iba, hindi nila maamin na makasarili sila, kasi para sa kanila perpekto sila. Sige na, kayo na. Pero para sa atin na aminado sa ating pagiging makasarili, bakit nga ba tayo ganito? Paano ba tayo nagiging makasarili? Sabi nga mahalin muna natin ang ating mga sarili bago tayo magmahal ng iba. Hindi masamang mahalin ang sarili. Kaya lang, lahat ng sobra ay  masama. Lahat rin ng bagay na sumasagasa na sa interes ng iba ay maaari na rin makasama. Dahil hindi natin maiiwasan ang pakikipag-ugnayan sa ating kapwa. Dito nasusukat ang ating pagkatao. Dito rin nalalaman kung paano natin tinitimbang ang mga bagay sa buhay natin.  Tignan natin ang mga ebidensya ng ating pagiging makasarili sa araw-araw. Kalamidad. Bakit nga ba nagbabaha? Isa na ata sa mga bagay na nakasanayan na ng mga nakatira sa siyudad ay ang karanasan sa baha. Bakit nga may baha? Paano imbes na itago muna ang balat ...
Mag-post ng isang Komento
Magbasa nang higit pa

Na-LSS Ka Na Ba?

Na-LSS ka na ba? (LSS = Last Song Syndrome pero puwede rin naman na Last Sound Syndrome) Ito ay nangyayari tuwing mayroon tayong paulit-ulit na kanta na naririnig. Minsan tinatamaan tayo ng LSS dahil gusto natin ang kanta, minsan naman dahil ayaw natin sa kanta.  Natutunan ang tungkol sa pagkakaroon ng LSS noong ako ay nasa elementarya at high schol pa lang ako. Parati namin naririnig ang mga nagtitinda ng Selecta na tumutugtog upang manawag ng mga bibili lalo na mga bata. Dahil dito ay inuulit na ng kaibigan ko ang tugtog. Pero bago pa lang nangyari iyon ay naalala ko na sa sobrang pagkagusto ko sa isang kanta ni Ate Regine ay minsan kahit antok na antok na ako ay hindi ko mapigilan na hindi kumanta habang pinatutugtog ito sa radyo sa service. Nakakahiya man na nakikita ng mga ka-service ko na kumakanta ako habang natutulog bago ko napansin na ginagawa ko ang pagkanta at pagtulog ng sabay.  Noong nag-aral ako sa ibang bansa ay minsan pumunta kami ng mga kaibigan ko s...
Mag-post ng isang Komento
Magbasa nang higit pa